95% од кибер нападите почнуваат преку вработените

95% од сајбер нападите почнуваат преку вработените – Дали вашиот тим е подготвен?

Во дигиталниот свет, секоја компанија е потенцијална цел на кибер напад. Не постои „премала“ или „недоволно интересна“ организација за сајбер криминалците. Напротив – токму луѓето внатре во компанијата, од административен персонал до менаџери, се најчестиот влезен пункт за напад.

Според најнoвите истражувања, 95% од сите пробивања на податоци се резултат на човечка грешка, социјален инженеринг или злоупотреба на пристап. Тоа значи дека дури и најсовремената техничка заштита не може да ве заштити ако вашиот тим не е свесен за ризиците и не знае како да реагира. Инвестицијата во сајбер безбедносни обуки е првиот и најважен чекор во градењето на отпорна и безбедна ИТ средина.

Клучни придобивки од сајбер безбедносните обуки:

🔐 Превенција од напади – Обучени вработени навремено препознаваат фишинг пораки, сомнителни прилози и малициозни веб-страници. Истото истражување покажува дека 36% од сите пробивања во 2024 година биле предизвикани од фишинг напади.

🧠 Развивање на безбедносна култура – Кога секој член од тимот ја разбира својата улога во заштитата, компанијата станува поотпорна на надворешни и внатрешни закани.

📉 Намалување на ризици и трошоци – Според IBM’s “Cost of a Data Breach Report 2023”, просечната цена на еден пробив изнесува 4.45 милиони долари, а компаниите кои имаат едуцирани тимови и спроведени обуки трошат 40% помалку за санација на инцидентите.

📈 Зголемена доверба од клиенти и партнери – Секоја инвестиција во безбедноста ја зголемува довербата и кредибилитетот на брендот.

Каде започнува заштитата?

Сајбер безбедноста не е само работа на ИТ тимот. Таа започнува со освестување, обука и правилна реакција на секој поединец во организацијата. Кога вработените знаат како изгледа сомнителна порака, што е безбедна лозинка и како да пријават инцидент – тогаш сте направиле вистинскиот чекор кон одржлива заштита.

---

Кабтел нуди обуки за вашата организација

Како ИКТ интегратор со долгогодишно искуство во сајбер безбедност, мрежни решенија и корпоративна заштита, Кабтел ви нуди специјализирани обуки кои се прилагодуваат на големината и дејноста на вашата компанија. Обуките вклучуваат:

✅ Препознавање фишинг пораки
✅ Безбедно ракување со податоци и документи
✅ Заштита на лозинки и пристап
✅ Реакција при сомнителен настан
✅ Основи на сајбер хигиена за сите профили на вработени…

Не чекајте да се случи инцидент. Зајакнете ја првата линија на одбрана – вашиот тим.

📩 Контактирајте нè денес за да добиете прилагодена понуда и да ги направите првите чекори кон побезбедна дигитална иднина.